चीनले तिब्बतको यारलुङ त्साङ्पो नदीमा विश्वकै ठूलो जलविद्युत् आयोजना सुरु गरेको छ, जसलाई प्रधानमन्त्री ली छ्याङले ‘शताब्दीको आयोजना’ भनेका छन्। वार्षिक ३० करोड मेगावाट विद्युत उत्पादन लक्ष्यसहित निर्माण थालिएको यो परियोजनाले भारत र बंगलादेशमा पानी नियन्त्रणको आशंका बढाएको छ। तिब्बती धार्मिक समूह र पर्यावरणविद्हरूले पनि धार्मिक र जैविक क्षतिबारे चिन्ता जनाएका छन्। चीनले भने परियोजना छिमेकीहरूलाई हानि नपुग्ने गरी अगाडि बढ्ने बताएको छ।