चितवन क्रिकेट क्लबको ऐतिहासिक जितले ESL 2025 को सुरुवात धमाकेदार
📍 मेलबर्न, अष्ट्रेलिया
सन्देश कँडेल द्वारा तयार पारिएको रिपोर्ट
दिल पगेनीको १५८ रन र अनुप श्रेष्ठको ह्याट्रिकले Far-West Rangers CC माथि ८४ रनको सहज जित
ESL 2025 को उद्घाटन खेलमै चितवन क्रिकेट क्लब ले उत्कृष्ट प्रदर्शन गर्दै Far-West Rangers CC लाई ८४ रनले पराजित गरेको छ। यस जितसँगै चितवनले प्रतियोगिताको पहिलो दिनमै उपाधिको बलियो दाबेदारी प्रस्तुत गरेको छ।
चितवनका आक्रामक ब्या ट्सम्यान दिल पगेनीले केवल ७४ बलमा १५८ रन प्रहार गर्दै मैदानमा धमाका गरे। उनले १४ चौका र १३ छक्का हिर्काउँदै Far-West Rangers का बलरहरूलाई रन रोक्ने कुनै अवसर दिएनन्। दर्शक र सहकर्मी दुवै उनको प्रदर्शनबाट प्रभावित बने।
बलिङ विभागमा अनुप श्रेष्ठ पनि उत्तिकै जादुमय रूपमा चम्किएका थिए।, जसले ४ ओभरमा २४ रन दिँदै ५ विकेट हात पारे, जसमा एक शानदार ह्याट्रिक पनि समावेश थियो। उनको बलिङले Far- West Rangers को ब्याटिङ लाइनअप पूर्णरूपमा धराशाही भएको थियो।
कप्तान अमृत श्रेष्ठको प्रतिक्रिया
खेलपछि चितवनका कप्तान अमृत श्रेष्ठ ले टिमको प्रदर्शनप्रति गर्व व्यक्त गर्दै भने:
“टिमले असाधारण खेल प्रस्तुत गर्यो। विशेष गरी दिल पगेनी र अनुप श्रेष्ठ को योगदान उल्लेखनीय रह्यो। हाम्रो नजर यस सिजनको ESL उपाधि माथि नै केन्द्रित छ।”
श्रेष्ठका अनुसार, प्रमुख खेलाडीहरू राजेश पुलामी र किशोर महतो लाई विश्राम दिँदै पनि टिमले यस्तो नतिजा निकाल्नु चितवन क्रिकेट क्लबको खेलगुणस्तर र गहिराइको प्रमाण हो, बताएका छन्।
सारांश-सन्देश
- टस: Far-West Rangers CC ले जितेर बलिङ रोज्यो
- चितवन क्रिकेट क्लब: २० ओभरमा २२५/५ रन
- Far-West Rangers CC: १७.४ ओभरमा १४५ रन (सर्वाधिक Dipesh Bisht – ७१ रन, ४९ बलमा)
- परिणाम: चितवन क्रिकेट क्लब ८४ रनले विजयी
यस जितपछि चितवन क्रिकेट क्लबले ESL 2025 को उपाधि यात्रा मजबुत रूपमा सुरु गरेको छ। कप्तान श्रेष्ठ — “हामीको लक्ष्य स्पष्ट छ, यो सिजन उपाधि चितवनमै ल्याउने हो।” 
