सिड्नीमा एक्लोपन हटाउँदै नेपालीपनको उत्सव: चितवन सिड्नी बोइजको दशैं विशेष कार्यक्रम

सिड्नी, अष्ट्रेलिया। अष्ट्रेलियाको सिड्नीमा रहेका नेपाली समुदायलाई लक्षित गर्दै चितवन सिड्नी बोइजले यस वर्ष विशेष दशैं उत्सव आयोजना गर्ने भएको छ। आफ्नो जन्मभूमि र परिवारबाट टाढा रहेका नेपालीहरूलाई दशैंमा घरपरिवारसँगै बसेको अनुभूति दिलाउने तथा आपसी सद्भाव, प्रेम र एकता बढाउने उद्देश्यले कार्यक्रम आयोजना गर्न लागिएको आयोजकहरूले बताएका छन्।

दशैं नेपालीहरूको प्रमुख सांस्कृतिक पर्व हो। यस अवसरमा परिवारका सदस्य तथा आफन्तजन भेला भएर टीका, जमरा, आशीर्वाद र खुसी साटासाट गर्ने परम्परा छ। तर, विदेशमा रहेका कतिपय नेपालीका लागि परिवारबाट टाढा रहेर चाडपर्व मनाउनु भावनात्मक रूपमा चुनौतीपूर्ण हुन सक्छ। यही अवस्थालाई ध्यानमा राख्दै चितवन सिड्नी बोइजले कसैले पनि दशैंमा एक्लोपन महसुस गर्न नपरोस् भन्ने सन्देशसहित उत्सव आयोजना गर्न लागेको हो।

“यदि तपाईं एक्लो महसुस गर्दै हुनुहुन्छ भने हामी तपाईंसँगै दशैं मनाउन यहाँ छौँ। आउनुहोस्, जोसुकै भए पनि सहभागी बनौँ,” आयोजकहरूले भनेका छन्। उनीहरूका अनुसार परिवार र आफन्तसँग टाढा रहेर दशैं मनाउनुपर्ने नेपालीहरूलाई समुदायसँग जोड्नु कार्यक्रमको मुख्य उद्देश्य हो। माया, सम्झना र आत्मीयताले भरिएको पारिवारिक वातावरणमा सबैले सँगै चाड मनाउन सकून् भन्ने आयोजकहरूको चाहना छ।

संगीत, नृत्य र नेपाली संस्कृतिको झल्को

कार्यक्रममा संगीत, परम्परागत गतिविधिमार्फत नेपाली संस्कृति र चाडपर्वको झल्को दिने योजना रहेको छ। यस्ता गतिविधिले नयाँ पुस्तालाई नेपाली संस्कृति र परम्परासँग जोड्न तथा प्रवासी नेपालीबीच आपसी सम्बन्ध बलियो बनाउन सहयोग पुग्ने अपेक्षा गरिएको छ।

“हामी तपाईंका लागि छौँ। तपाईंको खुसी हाम्रो हो, तपाईंको पीडा हाम्रो हो। आउनुहोस्, यसपालिको दशैं सँगै मनाऔँ,” आयोजकहरूले समुदायलाई कार्यक्रममा सहभागी हुन आग्रह गरेका छन्।दशैंलाई केवल धार्मिक तथा सांस्कृतिक पर्वका रूपमा मात्र नभई आपसी सहयोग, सद्भाव र सामुदायिक एकताको अवसरका रूपमा मनाउने सन्देश यस कार्यक्रमले दिने अपेक्षा गरिएको छ।

कार्यक्रम विवरण

• आयोजक: चितवन सिड्नी बोइज
• मिति : 21 October 2026
• स्थान: 11 Burlington Road, Homebush, Sydney
• समय: बिहान १० बजेदेखि
• कार्यक्रम: दशैं विशेष उत्सव, सांस्कृतिक गतिविधि तथा सामुदायिक भेटघाट
• सम्पर्क : 0452653267

सिड्नीमा रहनुभएका सम्पूर्ण नेपाली दाजुभाइ तथा दिदीबहिनीलाई कार्यक्रममा सहभागी भई सँगै दशैं मनाउन आयोजकहरूले हार्दिक निमन्त्रणा गरेका छन्।

आउनुहोस्, यसपालिको दशैंमा दूरीलाई आत्मीयताले जोडौँ र नेपालीपन, प्रेम तथा एकताको उत्सव सँगै मनाऔँ।

अध्यक्ष 

निशान पौडेल 

 चितवन सिड्नी बोइज